Bota është ende në luftë me COVID-19. Deri më tani në të gjithë botën janë shënuar 283,876 viktima dhe janë prekur në total nga virusi 4,181,218 qytetarët. Lajm i mirë është se betejën me COVID-19 e kanë fituar 1,493,490 të tjerë.
Vendi i parë në botë për numrin më të lartë të viktimave është SHBA. Në Amerikë janë shënuar në total 80,787 viktima dhe janë infektuar 1,367,638 qytetarë. Virusi po bën “kërdinë” edhe në Meksikë. Gjatë orëve të fundit në këtë shtet janë shënuar 1,562 raste të reja dhe numri i viktimave është 3,465. Edhe Pakistani është në luftë me virusin. Gjatë orëve të fundit në Pakistan janë infektuar edhe 607 persona të tjerë. Ndërsa, në Rusi janë shënuar 1,915 vdekje sipas worldometers.
Virusi nuk është larguar as nga Europa. Në Itali deri më tani kanë humbur jetën 30,560 qytetarë dhe në Spanjë janë shënuar 26,621 viktima. Sakaq në Francë numri i viktimave ka shkuar në 26,380.
g.kosovari
