Gjiganti i avionëve amerikanë ”Boeing” hapi fabrikën e tij të parë europiane në qytetin verior anglez të Sheffieldit, ku planifikon të prodhojë komponente për sistemet e kontrollit në avionët e pasagjerëve.
Kompania tha se synon të prodhojë mijëra pjesë çdo muaj për eksport në fabrikën e ”Boeing” në Portland, në SHBA, sapo fabrika e prodhimit në Sheffield të funksionojë me kapacitet të plotë.“Ky është një shembull i mrekullueshëm se si ne jemi duke angazhuar talentin global për të ofruar vlerë më të madhe për klientët tanë”, tha Jenette Ramos, zëvendëspresidentja e kompanisë ”Boeing”.
Kompania ”Boeing” tashmë ka punësuar më shumë se 2 000 persona në qendrat kërkimore dhe në vende të tjera në Britaninë e Madhe, përcjell Atsh.
Në Sheffield, ajo do të prodhojë më shumë se 100 komponentë për sistemet e aktivizimit në skajin e krahëve të ”Boeing 767” dhe 737 për avionë të pasagjerëve duke përdorur materialet e papërpunuara në Angli.Sistemet e aktivizimit kontrollojnë zgjatjen dhe tërheqjen e krahëve të avionit gjatë fluturimit. (b.an)
