Gentiana Beqa triumfon në Portugali, kualifikohet për Botëror.Gentiana Beqa ka fituar garën e fitnesit “IFBB Elitë Pro Diamond Cup Espinho” të mbajtur në Portugali.
Këtë e ka bërë menaxhmenti i saj përmes një komunikate për media, transmeton Koha.net.“Gentiana Beqa rrëmben edhe një kupë në Portugali, kualifikohet për kampionat Botëror i cili do të mbahet në Cancun, Meksikë në nëntor 2018”, thuhet në komunikatë.
Më tutje thuhet se javë më parë në Madrid të Spanjës, ajo ka fituar vendin e parë në ‘Elite Pro Diamond Cup Madrid’, duke përfaqësuar Kosovën në shtetin spanjoll. (b.an)
