Deputeti Ben Blushi ka vijuar kritikat e tij ndaj mazhorancës dhe klasës politike në vend. Pasi i ka kthyer përgjigje me një javë vonesë kolegut të tij Eduart Bejko, Blushi ka ndaluar të varfëria në vend duke thënë se klasa politike ka dështuar në zbutjen e saj.
“Ka njerëz në këtë sallë që 10 mijë lekë i lënë në ditë në kafen e Kuvendit, ndërkohë që një baba shqiptar çon në shtëpi 10 mijë lekë në muaj. A e vëmë dot veten në vend të atij babai për një moment? Një familje e varfër merr 400 mijë lekë të vjetra në muaj çka e bën të pamundur jetesën” – tha Blushi ne seancën e sotme.
Nga ana tjetër ai tha se nëse Shqipëria do të ishte e pasur, kjo klasë politike nuk do të ishte në pushtet.
Në kritikën e tij Blushi kërkoi rritjen e ndihmës ekonomike duke theksuar se qeveria duhet të mendojë jo vetëm për shtresat e varfëra, por edhe për klasën e mesme.
