Deputeti Ben Blushi shprehet se të dyja palët politike, në mënyra të ndryshme po bllokojnë reformën në drejtësi, sipas tij me konsensus.
“Çfarë po ndodh në fund të fundit në këtë parlament. Reforma në drejtësi po bllokohet me konsensus. Faktet që ka sjellë sot opozita janë një kërkesë për ta shtyrë dhe refuzimi i tyre ështënjë mundësi për ta shtyrë këtë proces. Kjo ka ndodhur në 25 vite në këtë parlament. Ky vend prodhon më shumë fjalë sesa ligje, prodhon më shumë fjalë sesa akte të dobishme, ky parlament flet por shumë pak mendon, ky parlament në shumë pak raste është në dobi të shqiptarëve. Ky parlament po bën gjithcka që ka në dorë dhe për ta bërë hic reformën në drejtësi.”- tha Blushi.
Duke ju referuar ligjit për dekriminalizimin, Blushi tha se me votimin dhe hyrjen në fuqi të këtij ligji, shumë deputetë janë bërë “pishman”.
“Shumë kolegë që votuan dekriminalizimin janë bërë pishman që e votuan… kush është bërë pishman? Ata që kanë ardh në parlament me armë, atë që kanë zëvendësuar forcën me arsyen, ata që kanë grabitur, ata që morën imunitet pavarësisht se prej 4 muajsh ky ligj ka hyrë në fuqi.
“Shqiptarët nuk do të jenë të barabartë përpara ligjit edhe nëse ky ligj miratohet. Cfarë garancie ka që gjyqtarët e korruptuar do të ndëshkojnë politikanët e korruptuar?! Asnjë!
Po ksuh janë efektet e mungesës apo shtyrjes së reformës në drejtësi? Cfarë po ndodh?!
Jua them unë! Shqiptarët po ikin nga vendi, qytetarët po varfërohen”- shtoi Blushi.
