Deputeti Socialist, Ben Blushi dhe deputetja Mimoza Hafizi kanë zhvilluar një takim së bashku me socialistë të Shkodrës. Në këtë takim, Blushi theksoi edhe një herë tjetër kundërshtitë për referendumin që vendosi Kongresi i PS-së nëse do të ketë garë ose jo për kreun e kësaj partie.
“Referendumi është një tentative për t’u hequr të drejtën e votës anëtarëve të PS-së për të zgjedhur kreun e kësaj partie…. Ky referendum është një vendim që bie ndesh me historinë e PS-së. Nuk dihen ende sa anëtarë do të votojnë dhe cilët do të votojnë”, tha Blushi.
Blushi akuzoi Ramën se po kërcënon me heqje nga puna anëtarët e PS-së, duke nxjerrë në votim 90 % të tyre për referendumin e 9 prillit.
“Rama s’ka respekt për vetveten dhe do të nxjerrë anëtarët e PS-së në votim duke i kërcënuar me heqje nga puna për ta çuar pjesëmarrjen në 90 % në një kohë kur pjesëmarrja në zgjedhjet lokale dhe parlamentare ka qenë nën 50 %.
Ai ka grabitur mandatin dhe sajon referendum”, tha Blushi. Ai më pas dhe deputetja Hafizi shpërndanë edhe 20 arsyet se përse duhet bojkotuar referendumi. Panorama
20 Arsyet për t’i thënë JO referendumit
Panorama.al
