Pas nisjes së fushatës nga kompania mediatike Digitalb ditën e djeshme për të ndihmuar Ismail Morinën që ai mund të bëj ëndrrën e tij realitet, të blejë një vinç të tijin personal dhe të shlyejë kredinë e shtëpisë vjen një lajm i mirë për Ismail Morinën.
Mësohet se biznesmeni nga Kosova që jeton në Zvicër, Besnik Benz, i është përgjigjur pozitivisht thirrjes dhe ka premtuar 50 mijë euro për Ismail Morinën.
Besnik Benz u bë i famshëm më premtimin që bëri për kombëtaren shqiptare se nëse fitonin ndeshjen ndaj Serbisë ai do të jepte 1 milion euro.
Sakaq, flitet se të tjerë biznesmenë dhe tifozë kuq e zi janë të gatshëm të ndihmojnë Ismail Morinën financiarisht si ndjenjë patriotizmi për atë që bëri në Beograd.
