Rita Ora njihet si një prej femrave të shoubizit që frekuenton ndejat dhe festivalet më të mëdha botërorë. Gjë që mund të sqarojë se pse ajo investoi “mijëra funte” në një pajisje alternative urinimi për femrat të cilat bllokohen nëpër koncerte.
Por bukuroshja me shqiptare e ka quajtur këtë investim “më të keqin” në jetën e saj, sipas “The Sun”.
“Kur femrat duhet të urinojnë, duhet të urinojmë, por meshkujt s’e kanë këtë problem sepse vetëm e gjejnë një qosh dhe e lëshojnë. Pajisja ishte e tillë që ju mundësonte të urinonit pa shkuar në tualet me ç’rast do ta humbnit edhe vendin në radhë për të hyrë në koncert. Në vend të urinonit ‘ndër vete’, ju ofrohej një tas të cilin mund ta përdornit disa herë”, ka thënë Ora, transmeton Koha.net.
“Por, ky ishte një prej investimeve më të këqija nga ana ime. Dështoi në realizim dhe dukej çuditshëm, dhe mendova, ‘Pse ta bëjë këtë – e dini çfarë? Bëjeni në dysheme’”, shtoi bukuroshja shqiptare.
Kujtojmë se zgjedhjet e Ritës për të investuar para, kohës së fundit kanë shkuar rrugëve jo të duhura, pasi policia është duke hetuar pretendimet e saj se investimet e saj kanë rënë pre e një mashtrimit në vlerë prej 2.3 milionë sterlinash.
Rita – vlera e së cilës mendohet të jetë rreth 10 milionë funte – është kontaktuar nga policia që po i heton pretendimet se një kontabilist ka mashtruar disa kompani për disa muaj me radhë, përfshi edhe bizneset ku Rita kishte investuar.
Besohet se nëse llogaritë e bukuroshes shqiptare janë në mesin e atyre të sulmuar, ajo mund të humbë dhjetëra mijëra funte. Megjithatë, investimet e saja janë të mbuluara me polica sigurimi, shkruan “The Sun”.
Për këtë rast, policia në Northamptonshire ka arrestuar dhe liruar me kusht më pas një 35 vjeçar.
Ora humbi çanta e bizhuteri në vlerë prej rreth 200,000 funtesh kur nëna e saj u plaçkit vitin e kaluar. Charaf Elmoudden u shpall fajtor qershorin e kaluar dhe u dënua me 5 vjet burgim për vjedhje, përgatiti Koha. (b.an)
