James Rodriguez do të jetë pjesë e Real Madridit vetëm deri në fund të këtij sezonit.
Sipas asaj që shkruan “The Sun”, Manchester Unitedi është duke bërë gati një ofertë të majme për mesfushorin kolumbian, James Rodriguez, i cili e ka humbur vendin e titullarit në formacionin e Zinedine Zidane, transmeton Gazeta Express.
James kishte thënë se mund të largohet gjatë janarit, por kjo temë tashmë është mbyllur. Ai do të qëndrojë për pjesën e mbetur të sezonit, por sipas mediave spanjolle jo më shumë – pasi vështirë se do të zë vend në formacionin e trajnerit francez dhe kolumbiani nuk dëshiron të jetë më rezervë.
“The Sun” shkruan se Manchester United ka bërë gati 50 milionë funta, Jose Mourinho e dëshiron në “Old Trafford”.
Për lojtarin interesim kanë shprehur edhe Chelsea e PSG – kështu që do të jetë një luftë e ashpër gjatë verës për t’i siguruar shërbimet e 25 vjeçarit, përgatiti “Express”. (b.an)
