Kështu, Bashkimi Evropian ka nisur luftën kundër korrupsionit në vendin tonë. BE-ja ka sjellë në Shqipëri dy ekspertë austriakë që janë pjesë e misionit EURALIUS. Manfred Elmecker dhe Gerhard Levi janë dy ekspertë që do kryejnë auditim në Këshillin e Lartë të Drejtësisë, Shkollën e Magjistraturës dhe Ministrinë e Drejtësisë.
Në fokus, këta ekspertë kanë luftën ndaj korrupsionit dhe shpërdorimin e fondeve në këto institucione. Ekspertët kanë filluar punë nga Këshilli i Lartë i Drejtësisë ku pas miratimit të reformës në drejtësi do të shkrihet.
“Në datat 26-30 shtator ekspertët afatshkurtër të EURALIUS për auditin e brendshëm dhe antikorrupsionin Z. Manfred Elmecker dhe Gerhard Levi do punojnë për zhvillimin e politikës tolerancë zero, për korrupsionin dhe keqpërdorimin e fondeve në Këshillin e Lartë të Drejtësisë, Shkollën e Magjistraturës dhe Ministrinë e Drejtësisë duke përfshirë edhe standardet e kontrollit të brendshëm”, thuhet në njoftimin e EURALIUS.
Këta ekspertë kanë dhënë dhe asistencë në këto institucione në mënyrë që të luftohet në themel korrupsioni.
ma.me
