JOE Biden tha se ai dhe Kamala Harris do të fitojnë zgjedhjet presidenciale sapo të numërohen të gjitha votat dhe akuzoi përpjekjet e Donald Trump për ‘deklarimin e fitores’ herët.
Komentet e demokratit erdhën vetëm disa orë pasi ai mori drejtimin në Nevada dhe ngushtoi epërsinë e Trump në Pensilvania dhe Georgia.
I nominuari demokrat vuri në dukje se vendi është afër 240,000 vdekjeve nga koronavirusi dhe shprehu solidaritet për amerikanët, që kishin humbur të dashurit e tyre ndaj virusit.
Duke u mbështetur në rezultatet e zgjedhjeve presidenciale, Biden edhe një herë theksoi, që zyrtarët e zgjedhjeve duhet të numërojnë çdo votë të vlefshme që kanë hedhur amerikanët.
“Në Amerikë, votimi është i shenjtë“, tha Biden, ndërsa shtoi: “Çdo fletë votimi duhet të numërohet.”
Biden vuri në dukje se ai dhe shoqja e tij në këtë rrugëtim, Kamala Harris “vazhdojnë të ndihen shumë mirë” për rezultatin përfundimtar të garës.
“Ne nuk kemi asnjë dyshim se kur të përfundojë numërimi, Senatorja Harris dhe unë do të shpallemi fitues“, tha Biden.
Teksa amerikanët mbeten në avantazh dhe presin shpalljen e një fituesi në garën presidenciale, Biden tha “Unë i kërkoj të gjithëve të qëndrojnë të qetë”.
g.kosovari
