Popujt që kanë përjetuar diskriminimin për shkak të identitetit, në bazë të përvojës së tyre, duhet të jenë tolerantë dhe të mos diskriminojnë njerëzit për shkak të prirjeve seksuale, shkruan Koha Ditore.
Kosovarët, sipas Randy Berryt, i dërguari i parë i posaçëm i Departamentit të Shtetit për të drejtat njerëzore të LGBT-së, kanë një histori të dhimbshme sa i përket diskriminimit në bazë të identitetit. Berry ka thënë se për këtë shkak shoqëria kosovare duhet të kuptojë komunitetin LGBT (lesbike, gay, biseksual dhe transeksual).
“Për këtë arsye kam shumë shpresë se keni një mundësi unike, sepse e kuptoni natyrën e diskriminimit. Kjo përvojë mund të jetë shumë domethënëse”, ka thënë Berry, në një ligjëratë të bashkorganizuar nga Instituti i Universitetit të Prishtinës për Studime Gjinore.
