Në emisionin “Pikat mbi i”, ish- nënkryetari i PD-së Astrit Patozi foli për zhvillimet e fundit në Partinë Demokratike.
Gjatë bisedës në studio, Patozi tha se fillimisht që situata brenda PD duhet të ketë një projekt të qartë, pasi sipas tij Kuvendi i Berishës nuk kishte asnjë kauzë,.
“Do ta godasësh kryetarokracinë, fillo me ndryshimet e 2008”, u shpreh Patozi.
Gjithashtu ai theksoi se për aq kohë sa ish-kryeministri Sali Berisha nuk arrin të bashkojë dot ‘shtëpinë’ e tij, atëherë si mund të marrë njerëz që t’i bashkohen kauzës.
Patozi: Berisha u tregua hipokrit kur tregonte për vlerat e mëdha të Kuvendit, në emër të votës së lirë, sepse këto janë slogane që nuk kanë të bëjnë me të vërtetën. Për pjesën kur tha që do të kandidojë për demokratët, kjo ishte e vërtetë.
Mua në fakt më intereson opozita…dhe më dhimbset perspektiva e saj e zymtë. Ne Berishës ia njohim si meritë që në shumë pak kohë arriti të marrë shumicën e militantëve dhe arriti ta organizojë atë. Tani çështja është përse duhet kjo? Në rast se ata njerëz janë sot në një lloj besnikërie qorre do të vazhdojnë dhe do t’i vendosin energjitë e tyre në një aksion objektivi i të cilit nuk arrihet, le të vazhdojnë.
Por unë e shoh ndryshe. Zgjidhja është se në fillim ka nevojë për një projekt. Aty nuk ka asnjë personalitet tjetër publik, pra sa kohë që nuk bashkon dot shtëpinë tënde si mund të marrësh njerëz të tjerë që të vijnë t’i bashkohen kauzës tënde. Aty në fakt nuk ka kauzë. Ky thotë kemi mundur kryetarokracinë, por mua më vjen të qesh./m.j
