Në një intervistë për “Bota sot”, Sali Berisha është pyetur në lidhje me një sërë çështjesh, mes të cilave edhe vlerësimi për ish-presidentin e Kosovës, Ibrahim Rugova.
Berisha ka thënë se rugova është i vetmi politikan gjenial shqiptar, edhe pse sa ishte gjallë, ata nuk kanë shkuar kurrë mirë me njëri-tjetrin.
“Në mënyrë të përsëritur jam shprehur se Ibrahim Rugova është për kombin tonë politikani i vetëm gjenial.
Ai si politikan, intelektual dhe misionar me vizionin, qëndresën paqësore, guximin, karakterin e papërkulshëm, njerëzinë dhe civilitetin e tij themeloi dhe udhëhoqi drejt pavarësisë Kosovën e sotme, shtet të lirë dhe sovran.
Presideni Rugova, së bashku me komandantin legjendar Adem Jashari dhe të gjithë ata që luftuan dhe u flijuan për lirinë e Kosovës bënë të mundur që shqiptarët kudo që janë të festojnë të lirë dhe krenarë këtë ditë”, tha ai.
I pyetur në lidhje me qëndrimin e tij për bashkimin e Shqipërisë me Kosovën, Berisha është shprehur se “bashkimi i kombit shqiptar ka qenë dhe mbetet ideali im suprem”./tema/
