Seanca plenare në Kuvend u shoqërua me përplasje të forta pasi kreu i PD-së, Sali Berisha, akuzoi publikisht SPAK-un dhe drejtuesit e tij, ndërsa në sallë ishte i pranishëm kreu i Prokurorisë së Posaçme, Altin Dumani, i cili pritet të raportojë për punën e institucionit gjatë vitit 2024.
Berisha u hodh në sulm frontal ndaj SPAK, duke i quajtur prokurorët “gjumashë që flenë mbi dosjet e krimit” dhe duke folur për “kompromise” mes mazhorancës dhe organit të posaçëm të akuzës. Sipas tij, SPAK po mbron pushtetin dhe po shmang llogaridhënien.
“Çështja është serioze, mëkatarë, me dosje palë palë dhe gjumashë mbi dosjet e krimit kanë bërë një kompromis që t’iu fshehin juve, të fshihen para jush duke na hequr të drejtë të bëjmë pyetje direk, si burri burrit, si qytetar qytetarit. Këta këtu janë në konflikt interesi. Dil betohu në kushtetutë se nuk ke dosje në SKAP. Pse iku vëngu, ku shkoi ai. Ose ia mbathi, sepse ju jeni me doje. Juve keni rënë në një kompromis për të vendosur errësirën, ne kërkojmë të bëjmë pyetjet, ka një manual që nuk thotë se asnjë fjalë nuk bëhen me gojë pyetjet, ai që pyete duhet të këtë kohën për tu përgatitur, por kjo nuk përjashton autorin e pyetjes ta lexojë siç e ka bërë dhe me qëllimin që e ka bërë”, tha Berisha.
