Ish-kryeministri Sali berisha ka sulmuar ashpër ambasadorin e BE në TiranëLuigi Soreca. Berisha ka publikuar një postim në rrjetet sociale me titullin “Dy Luigjet”, duke venë në dukje dy standartet sipas tij të diplomatit të BE, i cili postoi e me pas fshiu “twitterin” e Komisionerit për Zgjerimin në lidhje me biseden me liderin e opozitës Lulzim Basha.
Sipas ish-kryeministrit, ambasadori Soreca ka hequr postimin pa sqaruar arsyet dhe pa marrë parasysh reagimin e qytetarëve që përfaqëson kryetari i PD-së.
“Luigji, ish-luftëtar i vendosur i mafies italiane, por tani për të ardhur keq si viktimë e narkomafies qeveritare të narkoshtetit të vetem në Europë”, shkruan Berisha.
Nuk është hera e parë që ish-kryeministri Sali Berisha sulmon ambasadorët e akredituar në Tiranë, por ajo që bie në sy është se Berisha është i vetmi që nuk e ka ndryshuar artikulimin politik në një kohë që të gjitha palët janë fokusuar tek situata e koronavirusit. /e.s/
