Partia Demokratike ka komentuar sërish koalicionin mes mbështetësve të ish-kryeministrit Sali Berisha dhe LSI-së për zgjedhjet e pjesshme vendore.
Në një reagim në Facebook, PD shkruan se sot Berisha u strehua tek partia e Ilir Metës, duke gjetur një mënyrë për të përdorur demokratët për interesat e tij personale.
Sipas selisë blu, Shqipëria duhet të ndahet nga politika e vjetër, dhe demokratët të distancohen nga farsa e Berishës.
Postimi i Partisë Demokratike:
Shqipëria duhet të ndahet nga politika e vjetër që gjithçka e ka në funksion të interesave personale të politikanëve. Sot Sali Berisha u strehua te partia e Ilir Metës, e po i përdor demokratët për hallet e tij dhe të ilir Metës.
Demokratët e kanë kuptuar se Sali Berisha dhe Ilir Meta po i përdorin, prandaj çdo ditë demokratët po dinstancohen nga farsa Berisha.
Tashmë jo vetëm për demokratët por për të gjithë shqiptarët është e qartë se nëse zgjedh Berishën e Metën merr Ramën, nëse zgjedh Ramën merr Berishën dhe Metën.
/b.h
