Ish kryeministri Sali Berisha ka qenë deputeti i parë i opozitës, që do të deklaronte hapur heqjen dorë nga mandati parlamentar.
Berisha ka pranuar se ideja ka qenë e tij dhe tregon se çfarë e shtyu drejt kësaj ideje ekstreme. Gjatë deklaratës së tij, ai nuk kurseu edhe kritikat ndaj një pjese të faktorit ndërkombëtar në vend, që sipas tij kanë ndikuar në shumë ngjarje në Shqipëri por edhe në Ballkan.
“E kam bërë kur u bë zgjedhja e Prokurorit të Përgjithshëm sepse pashë që u shkel çdo parim. Pashë që u shkel edhe nga ndërkombëtarët. Nuk mund të pranoj kurrë ndërhyrjen e tyre me pasoja shumë të rënda. Çdo gjë e mirë që arrihet në këtë vend.
Basha pa diskutim ka mbështetjen, ndihmën fisnike e bujare të ndërkombëtareve. Suksesi dhe ndëshkimi në Shqipëri lidhet me drejtuesit shqiptarë. Por a kanë ndikuar ndërkombëtarët? Në mënyrë të padiskutueshme. Si në të gjithë Ballkanin. Nga masakra e Sarajevës deri te zgjedhja e Arta Markut, ka qenë dorë ose gabimi i ndërkombëtarëve” deklaroi Berisha në Syri.net.
Por vendimi i opozitës për djegien e mandateve është dënuar nga ndërkombëtarët, por edhe shumë figura të njohura të PD-së, që Lulzim Basha i ka përjashtuar nga partia.
g.kosovari
