Sali Berisha tha sot para mbështetësve të mbledhur në çadër se Edi Rama e shkeli marrëveshjen e 21 korrikut për Reformën në Drejtësi.
“Shkatërrues i reformës është Edi Rama sepse është i lidhur nga gishti i këmbës në kokë me krimin dhe vjedhjet” – tha Berisha.
Ish-kryeministri tha se Rama ka ndërtuar pallat 5 katësh kur ishte kryetar bashkie pa asnjë shpenzim.
Berisha u shpreh sot hapur edhe kundër zgjedhjeve të 18 Qershorit. Ai paralajmëroi se nëse Rama bën hapa drejt zgjedhjeve, kjo do të shënonte edhe fundin e tij, sipas Berishës.
“Mos guxo të bësh hapa drejt zgjedhjeve sepse do kesh fundin më fatal që mund të kesh me duart e tua. Ata që ke përreth do t’ia mbathin të veshur me rroba grash si Gramoz Ruçi në 1996, por tani është revolucioni demokratik i cili do t’ju kërrejë me radhë aty ku e meritoni. Edi Rama së fundmi paralajmërimi është ky: Mos imagjino se mund të shkosh në zgjedhje duke u përvetësuar votën shqiptarëve. Mjerë ti po vazhdove në këtë rrugë” – tha ish-kryeministri.
/b.d
