Zërit të kritikave kundër Lulzim Bashës në Partinë Demokratike i është bashkuar edhe paraardhësi i tij, Sali Berisha. Top Channel bën të ditur se ish-kryeministri nuk është i kënaqur me kryetarin, për shkak se selia blu nuk ka qenë e suksesshme për t’u shpjeguar qytetarëve se, për reformën në drejtësi dhe Byronë e Hetimit, Komisioni i Venecias i ka dhënë të drejtë opozitës.
Basha nuk reagoi pas kritikave të Topallit e Bregut, por u përgjigj pas kritikës së Berishës.
“Do të përballet me vendosmërinë tonë nesër në Parlament, sikundër i jap fjalën që nuk do të shpëtojë dot nga një drejtësi e reformuar, nga një prokurori e reformuar, nga një kapacitet hetues për korrupsionin në nivele të larta. Venecia ka folur qartë. Venecia na ka dhënë të drejtë. Herët a vonë, Prokuroria Speciale Antikorrupsion do të ketë të bëjë me shkaktarin e kësaj krize të gjithanshme, që quhet Edi Rama”, deklaroi Basha.
