Pas paralajmërimit të LDK se do të nisë një mocion mosbesimi për rrëzimin e qeverisë, kryeministri Albin Kurti ka sqaruar në një konferencë për shtyp shkarkimin e ministrit të Brendshëm, që vinte nga radhët e LDK-së, partnerit të saj në qeveri.
Kurti tha se ai kreu një tradhti të dyfishtë, ndaj qeverisë dhe policisë, duke kërkuar gjendjen e jashtëzakonshme në një situatë ku çdo gjë po menaxhohet më së mirë nga policia deri tani.
“Nuk ka nevojë për gjendje të jashtëzakonshme. Nëse lind nevoja do e bëjmë një gjë të tillë. Asnjë institucion nuk ka dështuar në punë e tyre për të marrë këtë masë ekstreme si gjendja e jashtëzakonshme. Një kërkesë e tillë është e palogjikshme dhe e pandërgjegjshme. Unë vazhdoje bashkëpunimin dhe komunikimin me të gjithë krerët e institucioneve. Deklaratat e bëra nga ministri i brendshëm i shkarkuar Veliu, e bëri të detyrueshëm ta liroja nga detyra. Ai shprehu një tradhti të dyfishtë, ndaj qeverisë ku bën pjesë dhe ndaj policisë duke kërkuar një gjendje të jashtëzakonshme me kokën e tij. Policia nuk është në gjendje të jashtëzakonshme, ajo po bën një punë të shkëlqyer dhe ende nuk po shfrytëzon të gjithë kapacitete e saj në këtë periudhë pasi ende nuk është e nevojshme, jo më të kalohet në gjendje të jashtëzakonshme”, thotë Kurti.
