Serbët e Crvena Zvezda kanë bërë surprizën mbrëmjen e së mërkurës duke arritur të eliminojnë gjysmëfinalistët e sezonit të kaluar në Europa League, austriakët e Salzburg nga Champions League. Në grupe të Champions u kualifikuan edhe Benfica e PSV.
Crvena Zvezda e mbylli ndeshjen e kthimit ndaj Salzburg 2-2, ndërsa takimi i parë në Serbi kishte përfunduar pa gola.
Benfica fitoi në Selanik ndaj Paokut 4-1, e ndërsa takimi i parë kishte përfunduar në barazim.
Në ndeshjen tjetër të së mërkurës, holandezët e PSV fituan pastër 3-0 ndaj Bate Borisov, ndërsa kishin fituar edhe në takimin e parë me rezultatin 3-2.
Shorti përcakton ditën e enjte ndarjen e grupeve në Champions League për këtë sezon./a.m.
