Belgjika shënon një bilanc të frikshëm viktimash, ku në 24 orët e fundit janë konfirmuar 403 të vdekur, ose shifra më e madhe e të ndjerëve prej koronavirusit në këtë vend.
Në total në Belgjikë numri i viktimave shkon në 2035, ndërsa i të prekurve në 22.194.
Në orët e fundit janë shtuar 1380 raste të reja.
Me 234 të vdekur në 24 orët e fundit, edhe Holanda shënon numrin më të madh të viktimave qysh nga nisja e pandemisë së koronavirusit.
Në raportimin e autoriteteve holandeze, thuhet se shkon në total në 2101 numri i viktimave.
Ndërkohë numri i të prekurve ka shkuar në 19.580, duke shtuar 777 raste të reja në orët e fundit.
Sakaq në spital aktualisht të shtruar ndodhen 7427 persona.
