Bayern mposht më thjesht sesa çmendohej Paris Saint Germain e yjeve Mbappe dhe Leo Messi, dhe kualifikohet në çerekfinalet e Champions League.
Gjermanët fituan me rezultatin 2-0 falë një pjese të dytë bindëse, ndërkohë që në 45 minutat e para përballja ishte më e ekuilibruar, madje me PSG më të rrezikshëm.
Goli i parë erdhi falë një gabimi trashanik të mbrojtjes franceze, me Verratti që humb topin në një zonë delikate, edhe pse protestoi gjatë për një faull, dhe me gjermanët që realizojnë me Choupo-Moting në minutën 61.
Parizienët duket sikur kanë harruar intensitetin e lojës që i karakterizon, me yjet Messi dhe Mbappe që nuk arrijnë të bëjnë diferencën.
Gjermanët, madje, kanë raste të tjera për të shënuar, por konkretizojnë duke vulosur fitoren dhe kualifikimin vetëm në minutën 90 me Gnabry.
Për PSG, dominues në Francë, një tjetër zhgënjim në turneun kryesor që e shihte ndër favoritët.
/a.r
