Erion Veliaj dhe Halim Kosova kanë shtrënguar duart me njëri-tjetrin duke lënë për një moment akuzat dhe deklaratat e fushatës.
‘Takimi’ i shkurtër ndodhi në momentin që Veliaj po ngjitej në skenë për të prezantuar programin e tij në konferencën “Sfidat dhe mundësitë për Tiranën”, ku dy rivalët për kreun e bashkisë së Tiranës mes buzëqeshjeve shkëmbyen disa fjalë.
“Mbaje mikrofonin afër se mezi dëgjohesh, që ti përcjellësh qartë mesazhet”, mësohet ti ketë thenë Halim Kosova rivalit Veliaj ndërsa ky i fundit i e ka falënderuar për vënien në dijeni të problemit.
Po ashtu Veliaj ka shtrënguar duart edhe me deputeten e PD Jorida Tabaku ku dhe janë shkëmbyer disa batuta.
Ky është takimi i parë mes dy kandidatësh për Bashkinë e Tiranës gjatë fushatës elektorale që prej vitit 2000 ku Edi Rama u përball në debat me Besnik Mustafajn.
Batutat gjatë takimit
Halim Kosova: Si je, mirë?
Erjon Veliaj: Si të shkojnë punët?
Halim Kosova: Dëgjo një minutë. Që të mos heqësh sikletin që hoqa unë atë mikrofonin mos e vër në vesh, por mbaje në dorë.
Erjon Veliaj: Unë improvizoj gjithmonë.
Veliaj i jep dorën Jorida Tabakut
Erjon Veliaj: Jorid si je ti?
Halim Kosova i flet sërish Veliajt
Halim Kosova: Ke fillu të më ngjash.
Jorida Tabaku: Edhe improvizon, edhe sajon. Hajde…
Erjon Veliaj: Se di, por te lagjja jote kam thënë të vërtetën.
Jorida Tabaku: Jo jo. Te imja jo njëherë.
