Në një bashkëbisedim me gazetarët, ish-kryeministri Sali Berisha ka vlerësuar kandidatin e PD për Tiraën Halim Kosovën. Në fjalën e tij Berisha e vlerësoi lart Kosovën, duke thënë se si ai s’ka pasur Tirana. Madje Berisha tha se Rama e sulmon kot Halimin, pasi në 2007 e ka propozuar për President Republike.
“Kandidat si ky s’ka pasur ndonjëherë Tirana. Edi Rama kot bëhet agresiv, në 2007 Rama ma ka propozuar si kandidat për President Republike, jam i bindur se e ka ofruar mbi bazën e një vlerësimi, tani mbylle, mos u merr me sulme.. Halimi nuk po merret me sulme. Nëse është puna për sulme lista e të zezave të Ramës nuk ka fund, Halimi po flet për ato që njerëzit duan, puna, punësimi” tha ai.
Por nga ana tjetër ka qenë Kreu i Kuvendit, Ilir Meta i cili i pyetur nga gazetarët, konfirmoi se propozimi ishte një fakt pjesërisht i vërtetë, por që sipas tij Berisha nuk i tha të gjitha. Sipas Metës, ishte Berisha ai që refuzoi që të kishte një emër konsensual për postin e Presidentit, që në këtë rast ishte Kosova.
“Sa i takon faktit që ka thënë Berisha, mendoi se është i vërtetrë deri diku. Pasi ka kërkuar zgjedhjet e një presidenti konsensual. Ne në atë kohë ne ishim në opozitë, madje dhe unë vetë kam propozuar zotin Kosova. Por e vërtea që s’ju ka thënë ai, ishte se konsensu që s’u dha për këtë kandidat ishte nga Berisha. Kjo është gjysmë e vërteta që u tha dhe ajo që thashë unë. Unë nuk e shoh aktiv për kandidat aktual për Tiranës, por Berisha rri vetëm aktiv në fb, por as aty nuk e mbështet.” tha Meta.
