Pavarësisht se Berisha ka thënë disa herë se nuk do të merrej me punët e brendshme të PS-së, nuk ka mundur t’i rezistojë tundimit dhe kësaj here ka ironizuar deputeten Vasilika Hysi si dhe zv Kryeministrin Niko Peleshi.
“Më iku dhe Vasilika që i hëngri kokën Jolezës në Facebook, por këto janë punët tuaja. Nuk merrem unë. E dini ju si bëjnë këta mbrapa meje (ministrat) si gangsterë.
Berisha ka kritikuar pjesëmarrjen e Zv. Kryeministrit Niko Peleshi ditën e djeshme në parkun e liqenit, ku një grup personash dhe disa deputetë të PD-së shkulën disa rrethime të vëna nga Bashkia e Tiranës për një projekt tek Liqeni artificial.
“Ju vidhni bashkërisht po patjetër….
Ti zvkryeministër, shkove aty për të bërë avokatin e prerjes kriminale të pemëve në Parkun e Liqenit. Ju jeni një lukuni. Po ç’ punë kishe ti, të bëhesh ushtari Erjon “Velicës”. Ka një etikë mor zotëri. Po çfarë e çon Peleshin të shkojë e të bëjë avokatin e Maznikut?… a ka ndodhur ndonjëherë kjo në histori?! Por sigurisht, kjo ndodh kur vjen puna për të mbushur xhepat.”- tha Berisha.
Por pas kësaj është kundërpërgjigjur Peleshi.
“E pranoj kritikën tuaj, përsa i përket pjesëmarrjes në këtë debat, por cështja është që unë lexova në atë incident, një përplasje të dy modeleve tona. Aty u përplasën dy modele të qeverisjes së territorit. Unë shkova atje për të apeluar që të mos politizohet më cështja e territorit. Të mos bëjmë politikë ku ndërtohet një kënd lojërash.”- tha Peleshi.
Te shkosh e te mbrosh nje projekt per “Park Femijesh”,nuk ka asnje problem,o Sali germeri.Por te dergosh deputetet e te takosh dike te arrestuar per vepra kriminale,sic bejnee pas here, eskortat e tua te deputeteve,kjo ka dicka te thelle e qe duhet te japesh dhe shpjegime…