Dy partitë më të mëdha opozitare në vend, PD dhe LSI kanë nisur menjëherë aksionin opozitar kundër krimit dhe lidhjeve të politikës me trafikantët. Kryetarja e LSI, Monika Kryemadhi, dhe kreu i grupit parlamentar të kësaj force politike, Petrit Vasili kanë shkuar në zyrën e krydemokratit Basha në Selinë e PD mbrëmjen e sotme.
Takimi mes kryetares së LSI-së Monika Kryemadhi dhe kryedemokratit Lulzim Basha në selinë e PD-së ka zgjatur 40 minuta. Kryemadhi në takim shoqërohej nga Petrit Vasili.
Mësohet se në takim Kryemadhi dhe Basha do të mblidhen nesër në një tryezë në orën 11:00.
Takimi erdhi menjëherë pas daljeve në media ku dy krerët e partive më të mëdha opozitare denoncuan lidhjet e qeverisë me krimin.
Krerët e PD dhe LSI po kështu mendohet se janë rakorduar edhe për ecuruinë e aksionit të përbashkët opozitar.
a.ç
