Gjykata e Pogradecit ka lënë në burg 55 vjecarin, Ligor Biba i cili i arrestua dy ditë më parë me dyshimet se ka abuzuar me një të mitur 15-vjeçare duke e lënë atë shtatzënë në mars të këtij viti.
Në seancën gjyqësore organi i akuzës pasi ka parashtruar mekanizmin e ngjarjes ka kërkuar burg për 55 vjecarin por kjo është kunsërshtuar fort nga mbrojtja. Sipas avokatit të te pandehurit, Bevzat Tarelli prokuroria ende nuk ka prova që bëjnë klientin e tij fajtor për veprën e rëndë duke e cilësuar mbajtjen në burg të paligjshëm, shkruan oranews
Avokati shtoi se 55 vjecari është me probleme shëndetesore ndaj kërkoi lirimin e menjëhershëm të tij.
Nevzat Tarelli: Unë them që edhe sikur të ketë ndodhur ky raport seksual, vepra penale është inekzistente. Për mua, gjykata ka bërë një gabim të rëndë procedural, ndoshta për efekt të ngjarjes apo mediatizim të saj që ka pranuar një kërkesë prokurori pa regjistruar asnjë provë që të formojë dyshimet e arsyeshme për vetë ekzistencën e veprës penale dhe mandej te subjekti i veprës penale.
Mësohet se gjatë seancës i pandehuri ka pohuar se gjithcka është sajesë: ” Jam i pafajshëm, nuk kam bërë asgjë. Gjithcka është një sajesë e vajzës dhe famijarëve të saj. Dua të dal sa më shpejt sepse jam i sëmurë me dy unaza në zemër.
Nuk kam gisht në këtë histori. E gjitha është një sajesë”, ka përfunduar Biba. Pasi ka dëgjuar organin e akuzës dhe mbrojtjen gjykata e Pogradecit me gjyqtare Luljeta Kolonja dhe Prokuror Kreshnik Ajazi, është vendosur masa e sigurisë “Arrest me burg”.
Ngjarja e rendë u denoncua dy ditë më parë ne fshatin Velcan ku shtetësja me iniciale Xh. B denoncoi fqinjin e saj për kryerje të marredhenieve seksuale me dhunë duke e lënë atë shtatzënë tashmë 8 muajshe.
a.ç
