Një 50 vjeçar është ekzekutuar mëngjesin e kësaj të hëne në Fier. Ngjarja e rëndë ka ndodhur në lagjen “Sheq i Madh” në Fier, ku si pasojë është qëlluar me një plumb në kokë viktima Ahmet Toska.
Mësohet se viktima Ahmet Toska nuk ka pasur precedentë të mëparshëm penal dhe njihej si njeri i qetë. 50-vjeçari është qëlluar në kokë nga një distancë e afërt me armë zjarri, teksa kishte dalë nga banesa bashkë me të shoqen.
Toska ka qënë duke përcjellë bashkëshorten e tij për në punë, një ritual që e bënte çdo ditë, duke shtuar dyshimet se ngjarja ka qënë e planifikuar. Ka qënë pikërisht bashkëshortja e tij, dëshmitarja e dorës së parë që ka parë gjithë skenën, duke “zgjuar” gjithë lagjen me ulërima. Ajo pritet që të japë gjithë detajet lidhur me autorin e vrasjes.
Ndërkohë policia e Fierit dhe FNSh kanë ngritur pika kontrolli në të gjithë zonën për identifikimin dhe kapjen e autorit.
g.kosovari
