Kreu i PD, Lulzim Basha përmes një videomesazhi ka adresuar sot sërish akuza ndaj kryeministrit Edi Rama.
Basha i përmend kreut të qeverisë premtimin e tij për 300 mijë vende, ndërsa shton se përzuri nga Shqipëria më shumë se 300 mijë shqiptarë.
“Premtoi 300 mijë vende pune, por i përzuri nga Shqipëria më shumë se 300 mijë shqiptarë.
Miliarda euro janë vjedhur, abuzuar dhe shpërdoruar nga Hajduti Psiqik këto 6 vjet, të gjitha kanë përfunduar në xhepat e Edi Ramës dhe klientëve të tij ose janë shpërdoruar për tekat e tij në fasada dhe lluks.
Shqiptarët janë pa punë sepse ekonominë dhe mundësitë ekonomike i kanë marrë oligarkët dhe klientët e Edi Ramës. Që të hapim vende pune dhe mundësi për njerëzit, duhet të largojmë bandën e grabitqarëve dhe Hajdutin Psiqik”, shkruan Basha krahas videos. /l.m
