Kryetari i Partisë Demokratike Lulzim Basha prezantoi kandidatët për kryetarë Bashkie në Selenicë ërparim Shameti dhe në Himarë Lefteri Prifti.
Basha u ndal tek situata e vështirë ekonomike që sipas tij po kalon vendi. Ai tha se njerëzit janë nxjerrë në rrugë dhe bizneset janë mbyllur.
“Dyshja Rama-Meta duan të shmangin llogarinë para qytetarëve për premtimet e pambajtuara për shëndetësinë falas, 300 mijë vende pune, legalizime falas për uljen e çmimit të energjisë, karburantit e subvencionet. Ndërkohë qytetarëve u janë prishur edhe shtëpitë e ndërtuara me djersë, pushtetarët si Koço Kokëdhima vazhdojnë të lartësojnë sarajet e tyre” – theksoi Basha.
Ai u ndal edhe te papunësia duke thënë se dy vjet përpara mazhoranca premtoi 300 mijë vende pune.
“Tani po mbushet 2 vjeçari, ku i ka 150 mijë vende pune? Papunësia është rritur me 7 përqind.” – tha kryedemokrati.
