Kryetari i PD i është përgjigjur Kryeministrit Rama pas deklaratës së tij se me opozitën mund të bisedojnë për gjithcka, por qeveri teknike nuk do të ketë. Nga cadra e protestës, Basha u përgjigj me ton të ashpër e prerazi. “Nuk ka bisedime, negociata, ka dialog për të përcaktuar largimin tënd dhe ardhjen e një qeverie teknike. Nuk do të negociojmë fiutjen tonë në qeveri, ne do jemi opozita deri sa qytetarët me votën e lirë dhe të ndershme të vendosin se kush do të qeverisë këtë vend”- tha ai.
Sipas Bashës, Rama duhet të harrojë se mund të bëjë zgjedhje me këtë qeveri.
“Harroje se do të bësh zgjedhje me ministrin e Brendshëm që njihet botërisht si garantues i drogës dhe krimit, harroje se do të bësh zgjedhje me zotërinë tëndë që gdhihesh e ngysesh me narkotrafikantë në zyrë, hotel, restorante e vrima ku futesh. Kjo republikë do shembet me cdo kusht e cdo cmim, hapi i parë është qeveria teknike, nëse je gati ta dëgjosh zërin e qyettarëve ti duhet ti lësh vendin qeverisë teknike, vala popullore do të rrethojë, vala popullore do të rrëzojë”- tha Basha.
ma.me
