Kryetari i Partisë Demokratike Lulzim Basha ka zhvilluar një bashkëbisedim me gazetarët në selinë blu. Ai është fokusuar te ngjarja e një dite më parë kur në Tiranë u sulmua me armë zjarri banesa e prindërve të gazetares Klodiana Lala, ku ndodheshin edhe dy fëmijët e saj të mitur.
Basha tha se sulmi vjen vetëm pak kohë pasi gazetarja publikoi aferën e deputetit të PS Jurgis Çyrbja.
“I turpshëm është reagimi i prokuroisë e cila në vend të deklaratave inkurajuese, duhet të nisë hetimet. Kriminal është reagimi i policisë, u mjaftua me iniciale. Tallje është tëitteri i Edi Ramës. Të gjitha këto tregojnë se pas këtij krimi qëndrojn bashkëpunimi krim-qeveri. Akti i fundit i kësaj gazetareje ishte pikërisht denoncimi i aferës Çyrbja. I përgjimeve që tregojnë se si Çyrbja, i zgjedhur i bandës së Shullazit dhe Shijakut, komunikon me një anëtar të bandës së Shullazit, duke iu referuar bandës si “ne”, e kemi punën keq. Kush i ka punët keq? Bashkëqeverisja me krimin”, tha Basha.
Ai ka akuzuar më tej edhe Prokurorinë për mosveprim. Basha tha se organi i akuzës duhet të sjellë kërkesën për arrestimin e deputetit Çyrbja. Sipas Bashës, nga mosveprimi për deputetin krimi mor krahë dhe sulmoi gazetaren.
“Në Kuvend duhet të kishte mbërritur kërkesa për arrestimin e Jurgis Çyrbes, anëtarit të bandës së Shullazit. E thotë vetë ‘ne’. kërkesa nuk vjen sepse prokuroria është skllave e Edi Ramës. Ja ku i keni pasojat, krimi nuk ka nevojë ta marrë në telefon Edi Rama e t’i çojë korrier. Mjafotn mosveprimi në arsitn e Jurgis Çyrbes që krimi të marrë krahë e të godasë dy fëmijë që flinin në dhomën e gjyshes së tyre”, deklaroi Basha./a.m.
