Kryetari i Partisë Demokratike Lulzim Basha zhvilloi sot një bashkëbisedim me gazetarët.
Teksa u fokusua te sulmi ndaj gazetares Klodiana Lala, ai u ndal edhe tek çështjet e tjera politike dhe konkretisht te akuzat për tenderat publikë.
Basha deklaroi se qeveria “Rama” është më e korruptuara në 30 vite. Por, ai ka pranuar se edhe qeveritë e PD kanë pasur korrupsion.
“Korrupsion ka pasur çdo qeveri, edhe qeveritë e PD, ka pasur pjesët e saj të korruptuara. Por, korrupsioni i qeverisë së Edi Ramës është i paprecedentë në 30 vite. Faktet e KLSH, 3.7 miliardë euro abuzime. I bie 5 mijë euro për çdo familje shqiptare”, deklaroi Basha./a.m.
