Lista e Bashës për zgjedhjet e 25 qershorit është një listë që fut ujë në çdo cep. Pas futjes në listë të Dashamir Tahirit i cili ishte përjashtuar nga PD pasi e kapte ligji i dekriminalizimit për falsifikim parashë në Itali dhe një sërë bëmash të tjera në Shqipëri, pas përjashtimit nga listat të kritikëve ikona të PD-së, pas mashtrimit se do fuste 35% të rinj nga FRPD në lista, Basha ka bërë aktin tjetër që tregon edhe njëherë se ai nuk ndahet dot nga e vjetra e nga paligjshmëria.
Thënë këtë, po ju sjellim 2 emra nga listat e Bashës, të cilët kanë qenë kryekomunarë para se të bëhej reforma administrativo-terriroriale dhe që janë ikona të shkatërrimit të kurorës së gjelbër të Tiranës dhe paligjmërisë.
I pari është Fatbardh Plaku, i 16-i në listat e Tiranës. Plaku është Ish-kryetari i Komunës së Farkës dhe ka përfunduar nën hetim për lejet e dhëna pa kriter në komunën e tij, leje që kanë shkatërruar kurorën e gjelbër të kryeqytetit duke e tkhyer në një monument ndërtimesh të paligjshme duke shkatërruar oksigjenin e Tiranës. Ai gjithashtu është ndjekur edhe për falsifikim dokumentash, me qëllim përvetësimin e 10 mijë metrave katrorë truall, në Lundër. Një zonë kjo ku prona ka një vlerë të jashtëzakonshme. Gjithashtu Plaku i ka shpëtuar nja atentati në banesën e tij, kur persona të paidentifikuar e qëlluan me antitank. Mesa duket, kandidati për deputet i Bashës ka llogari të pashlyera nga punët e tij të bëra si kryetar i një prej komunave të rëndësishmë të Tiranës ku vlerat e pronave janë të larta dhe ku lejet e dhëna janë të shumta për ndërtim.
Të njëjtën gjë ka bërë edhe ish-kryekomunari tjetër i Bashës Besnik Fuçia , i cili njëlloj si Plaku, ka shkatërruar Kasharin e betonizuar atë dhe duke përfunduar shkatërrimin e kurorës së gjelbërt të kryeqytetit. Ai është i 18-i në listën e Tiranës.
Aq ekstrem dhe i pangopur ka qenë Fuçia, sa për të vazhduar shkatërrimin e Kurorës së Gjelbër, në 2013-n, çoi në Gjykatën Kushtetuese vendimin e qeverisë, që pezulloi përkohësisht lejet e ndërtimit.
Rastet e mësipërme janë dëshmi e qartë e vizionit që ka Basha për Shqipërinë. Dy kryekomunarë që kanë shkatërruar krurorën e gjelbër të Tiranës dhe që mesa duket kanë bërë aq para me lejet e ndërtimit sa të financojnë fushatën e Bashës, duke zëvendësuar figura të PD-së si Topalli, Bregu, Patozi, Selami etj./Lexo.al
a.ç
