Kryetari i Partisë Demokratike Lulzim Basha, ka qenë mbëmë i ftuar në emisionin Opinion. Basha ishte i ftuar në cilësinë e kryetarit të bashkisë Tiranë.
Si intervistë për këtë temë, pyetjet ishin të tilla që në fakt bënin një përmbledhje të të gjithë asaj që ishte premtuar dhe është realizuar ose jo nga kryetari i bashkisë.
I pyetur për premtimet e tij: bulevarin e ri, TRAM-in, qendrat multimodale, kartën e studentit, uljen e taksave, kanalizimet, mbetjet urbane, cilësinë e rrrugave, trafikun e rënduar, 30 mijë vendet e punës etj, kryetari aktual Basha tha se një pjesë e madhe e këtyre tanimë janë të prekshme për qytetarët e Tiranës. Ai tha se bulevardi i ri është nisur, por blllokuar nga Rama. Gjithashtu Basha tha se me kartën e studentëve dhe me internetin falas që kishte premtuar, ai nuk ka mundur të marrë mbështetjen e bizneseve.
Në shumë nga pyetjet që i vinin nga qytetarët në emision, Basha u shmang duke thënë se janë pyetje që vijnë nga Partia Socialiste edhe pse në fakt, pyetjet ishin të gjitha citime të premtimeve të tij para 4 vitesh dhe që sot qytetarët nuk i shohin asgjëkundi të realizuara.
Basha gjeti mbrëmë rastin edhe t’i kërkonte kryeministrit Rama debat publik, duke u treguar i gatshëm të përballet. Kujtojmë se është kandidati i PS për Tiranën, Erion Veliaj ai që ka kërkuar një debat poashtu me kandidatin demokrat Dr.Halim Kosova dhe me kryetari aktual të bashkisë, Lulzim Basha. I pari e ka refuzuar me anë të një deklarate për mediat nga PD, ndërsa Basha nuk është prononcuar akoma.
