Nuk ka më të keqe se bisha e plagosur dhe këtë e provoi sot në mbrëmje Deportivo La Coruna, e cila pati përballë Barcelonën e tërbuar pas tri humbje radhazi.
Shpresat për të marrë rezultat pozitiv në Riazor u shuan përballë goditjeve të furishme të Barcelonës, e cila fitoi 8-0, duke arritur fitoren e parë pas katër ndeshjeve.
Luis Suarez shënoi gjysmën e golave, ndërsa reston e shënuan Rakitiç, i cili i hapi rrugën humbjes me Valencian në takimin e shkuar, kur shënoi autogol, Messi, Bartra e Neymar.
Barcelona ruan kryesimin, në pritje të përfundimit të ndeshjes Athletic Bilbao-Atletico Madrid.
