Zëvendëspresidenti i Barcelonës, Jordi Mestre, thotë se klubi i tij do të apelojë vendimin e UEFA-s për të dënuar klubin katalunas me 40 mijë euro pas shpalosjes së flamurit katalunas në ndeshjen e Ligës së Kampionëve ndaj Bayer Leverkusenit. Flamujt, që përkrah pavarësinë e Katalonisë, ishin shpalosur edhe në finalen e Ligës së Kampionëve në Berlin.
Atëherë Barça ishte dënuar me 30 mijë euro dhe kjo ka nxitur që kampioni evropian të kërkonte sqarim nga institucioni më i lartë i futbollit në Evropë.
“Do të apelojmë në FIFA, në Gjykatën e Arbitrazhit Sportiv, dhe nëse është e nevojshme edhe në gjykatat e Zvicrës dhe të shkojmë në Strasburg”, ka thënë Mestre, raporton Reuters.
“Do të vazhdojmë të mbrojmë interesin e klubit dhe do të shohim çfarë do të ndodhë, nuk jemi të lumtur”, ka shtuar ai.
