Gratë e shitura në skllavëri nga ISIS detyrohen të kenë aborte. Militantët i dhunojnë ato dhe më pastaj i detyrojnë të kenë aborte. Këto gra janë rrëmbyer nga shtëpitë e tyre në një fshat të Irakut, Yazid, shkruan CNN.
Pas rrëmbimit të qindra grave dhe vajzave të reja nga shtëpitë e tyre në provincën Yazid të Irakut gushtin e kaluar, luftëtarët e ISIS i mbajtën ato në robëri dhe i shitën ato në tregjet e skllevërve, ku shumica prej tyre shfrytëzoheshin për marrëdhënie seksuale.
Grupi terrorist u përqendrua shumë në përdorimin e përdhunimit të këtyre grave, saqë punësuan mjek e gjinekolog, vetëm për t’i kontrolluar ato se cilat ishin të virgjëra e cilat jo.
Bushra, një vajzë 21 vjeçare e rrëmbyer nga pjesëtarët e ISIS, rrëfej për njërën shoqe të saj e cila mbante fëmijën 3 muajsh në bark.
“Ajo mbante fëmijë tre muajshe në barkun e saj. Mjekët e morën dhe e dërguan me një dhomë, ku më pastaj e abortuan beben e saj”, ka rrëfyer ajo.
“Më pas ajo erdhi tek dhoma ku na mbanin. Unë e pyeta se çfarë ndodhi, por ajo më tha se mjekët i kishin thënë që të mos flasë”, kujton Bushra.
Më pas ajo tregon se shoqja e saj kishte probleme të mëdha me shëndetin, saqë gjakderdhja nga aborti që i kishin kryer, nuk iu ndalte.
“Ajo nuk mundte të ecte por edhe as të fliste me njeri. Kishte dhembje të mëdha”.
Pas kësaj, Bushra thotë se ata i morën gratë tjera që ishin shtatzëna dhe i dërguan në shtëpi të veçantë.
Bushra bashkë me Noor dhe Munirën, vajzat e tjera të rrëmbyera nga militantët, rrëfyen se si luftëtarët kishin sulmuar fshatin e tyre, dhe i kishin ndarë ato nga familjet e tyre.
Bushra thotë se ajo ishte duke jetuar një “normale … interesante … jetë të mirë”, derisa ISIS arriti në Yazid dhe e largoi atë nga çdo gjë që ajo e dinte për jetën.
“Ata na thanë: Dorëzoji pjesëtarët e familjes tënde dhe heq dorë nga Yazid (fshati i saj) – ju jeni myslimane dhe ju duhet të martoheni me njërin nga luftëtarët tanë”, kujton Bushra.
“Nuk kishte zgjidhje tjetër. Nëse ndonjë vajzë i refuzonte, ata të merrnin me forcë”.
Ajo gjithashtu kujton personin që e zgjodhi atë për grua. “Ai ishte i vjetër, i shëmtuar dhe i trashë. Isha e frikësuar. Iu përgjërova të më lërë të qetë sepse nuk doja të shkoja me të, por askush nuk më dëgjoi”.
Kur Bushra kishte refuzuar të ketë marrëdhënie seksuale me njërin nga luftëtarët e ISIS, ata e detyruan atë si lloj dënimi qe ajo të ketë marrëdhënie me 11 persona.
Edhe pse është mjaft e vështirë për tu besuar, Noor, Munira dhe Bushra (nuk janë emrat e tyre të vërtetë, për shkak të mbrojtjes së identitetit), u arratisën nga ato kampe.
Tani, jetojnë të sigurta, por edhe kanë guxim të tregojnë historinë e tyre. Ato kohëve të fundit kanë udhëtuar për në Britani të Madhe në kuadër të një Fondacioni të quajtur Amar. Fondacion ky që parandalon të rinjtë të bëhen pjesë e radikalizmit islamik.
Megjithatë, qindra gra të tjera nga fshati Yazidi që u rrëmbyen nga militantët, vazhdojnë të mbeten në skllavëri./Gazeta Express
