Real Madridi ka regjistruar barazimin e dytë me radhë në La Liga dhe Bale mendon se kjo ndodhi pasi skuadrës së tij i mungoi fati. Ylli i Real Madridit, Gareth Bale, mendon se fati nuk ishte me skuadrën e tij pas barazimit 2:2 me Las Palmas në La Liga të shtunën.
“Jemi të dëshpëruar që nuk fituam”, tha Bale. “Jemi ende të pamposhtur në ligë, por e rëndësishme është që t’i marrim tri pikë”, shtoi ai.
“Fati nuk ishte me ne dhe kështu është futbolli. Kishim raste, por na mungoi fati.
Tani duhet të shikojmë para për ndeshjen me Dortmundin dhe t’i kthejmë gjërat në të mirën tonë”, deklaroi Bale, citohet “Express”. (b.an)
