Mes pagës dhe amortizimit të shumës së transferit të tij, Real Madridi i k shpenzuar 168.6 milionë euro për Gareth Bale. E sulmuesi uellsian ka luajtur vetëm 159 ndeshje për madrilenët.
“Bale nuk ka pësuar asgjë serioze”, tha Zidane më 26 shtator pas ndeshjes me Dortmundin. Pas ndeshjes thuhej se Bale kishte ngërç në këmbë, i cili përfundimisht u shndërruar në tërheqje muskulore në kofshe që e mbajti sulmuesin jashtë fushës për 45 ditë.
Dhe tamam kur u duk se Bale po riktheje për ndeshjen derbi kundër Atletico Mardirit, ai u lëndua përsëri në stërvitje dhe do të mungojë tri deri në katër javë, transmeton Express.Në përgjithësi, Bale është lënduar 19 herë që prej se iu bashkua Real Madridit. Pak më pak se katër herë në sezon.
Bale i kushton Realit mbi një milionë euro për ndeshje.Bale u ble për 100.7 milionë euro, për një marrëveshje gjashtëvjeçare, që do të thotë se Reali pagoi 16.7 milionë euro cdo sezon – e momentalisht ai është në sezonin e tij të pestë.
Paga e tij ishte 18 milionë euro bruto në tri sezonet e para, por u rrit në 22 milionë euro bruto sezonin e kaluar. Në total, nga sezoni 2013-14 deri 2015-16 Bale i kushtoi Realit 34.7 milionë euro në sezon në total, shumë që u rrit në 38.7 milionë nga sezoni 2016-17.
Duke marrë parasysh që këtë sezon çmimi është vetëm për pesë muaj, në sezonin 2017-18 është 25.86 milionë (16.7 për amortizimin e shumës së transferit dhe 9.16 për pagën bruto).Shuma totale del të jetë 168.8 milionë euro.
Me Bale që ka luajtur vetëm 159 ndeshje, del se një ndeshje e tij Realit e ka kushtuar 1.060.377 euro. Ndërsa, çdo minutë që ai e ka kaluar në fushë i ka kushtuar Realit 13.593. (b.an)
