Bilbil Rakipi, babai i një prej viktimave të masakrës së “Coles’ më 7 prill 2015, ka reaguar përmes një letre publike, ku i bën thirrje institucioneve të reagojnë për të mos lejuar thellimin e konfliktit mes dy familjeve. Ai pretendon se ngjarja e para disa ditëve nuk rrugën Transballkanike në qytetin e Vlorës, ku u plagosën 3 persona, nuk duhet lidhur me masakrën e ‘Coles’.
Për vrasjen e djalit të tij në këtë masakër, Gjykata ka dënuar me 35 vite burg shtetasin Aleksandër Llanaj, prandaj Bilbili ka vazhduar jetën e përditshme duke mos pasur si synim hakmarrjen.
‘Qëndrimi i Prokurorisë dhe Policisë për problemin madhor që familjet kanë, duke abuzuar me heshtjen e tyre, duke u lënë hapësirë mediave për keqinformim ose mosinformim, i vë familjet në pozicion të vështirë dhe në rrezik për jetën’, shkruan në letrën e tij Bilal Rakipi.
Ai i kërkon Policisë dhe Prokurorisë së Vlorës të sqarojnë opinionin publik për këto tre ngjarje, duke mos i lënë kështu vend mediave për spekullime. /lapsi/ma.me
