Europa po përballet me një valë të re të pandemisë Covid-19 të shkaktuar nga nënvariantet shumë të transmetueshme BA.4 dhe BA.5 të Omicron, sipas Agjencisë Europiane të Barnave.
BA.5 përbënte gati gjysmën e rasteve të Covid, ndërsa BA.4, përbën më shumë se 17% të infektimeve. Me këtë nënvariant i cili pritet të bëhet edhe më dominues në pjesën më të madhe të BE-së, infektimet pritet që të rriten gjithnjë e më shumë gjatë këtij muaji.
“Ne kemi parë një rritje në tre javët e fundit si dhe një rritje të shtrimeve në spital në disa vende të BE-së. Pra, ajo që po shohim tani sinjalizon për ne fillimin e një vale të re të Covid-19 në të gjithë Bashkimin Europian.
Në këtë fazë, nuk është marrë asnjë vendim përfundimtar se cilin variant Omicron BA.1 ose BA.4/BA.5 do të nisë edhe fushata e vaksinimeve ndoshta edhe me doza të katërta.
“Para së gjithash, për sa i përket sasisë, do të kemi mjaft vaksina në dispozicion për të mbrojtur popullsinë europiane dhe ka shumë të ngjarë të dhurojmë edhe jashtë BE-së. Çfarëdo vaksine të jetë e disponueshme në Europë, do të jetë një vaksinë e mirë edhe kundër BA.4 dhe BA.5”.
Në fillim të kësaj jave, agjencitë shëndetësore të BE-së rekomanduan një përforcues të dytë Covid-19 për të gjithë mbi 60 vjeç, si dhe për njerëzit e cenueshëm nga ana mjekësore për të luftuar rritjen e re të rasteve me Covid-19. EMA pret që vaksinat e reja të përshtatura me variantin Covid të miratohen deri në Shtator. Vala e re e Covid tashmë po ndodh dhe për shkak se shumica e njerëzve mbi 60 vjeç janë vaksinuar për herë të fundit rreth 6 muaj më parë dhe rreziku tanimë është real pasi nënvariantet janë edhe më të transmetueshme.
/a.r
