Ministri i Infrastrukturës dhe Energjisë, Enea Karakaçi ka inspektuar punimet në kantierin e zgjerimit të autostradës Tiranë-Durrës, të cilat tashmë kanë hyrë në fazën përfundimtare.
“Gjendemi sot në aksin Tiranë-Durrës, aksi më i rënuar sa i përket trafikut në të gjithë Shqipërinë. Kemi hyrjen në Tiranë nga veriu, hyrjen nga aeroporti i Rinasit, por edhe lidhjen me qytetin e Durrësit”, tha ministri gjatë nisjes së fjalës së tij, duke thënë se ky aks është një segment i rëndësishëm për vendin.
Karakaçi tha se u kërkon ndjesë qytetarëve për trafikun e rënduar e krijuar nga punimet, ndërsa i falenderoi gjithashtu edhe për mirëkuptimin.
Sa i takon vonesave gjatë punimeve, ministri shpjegoi se një nga arsyet lidhet me fluksin e lëvizjeve të këtij aksi, që është më i rënduari në vend. Por po ashtu ndikim kanë patur edhe kushtet e vështira të motit të lagësht të muajve të dimrit.
Ndërsa bisedonte me përfaqësues të ARRSH-së, Karakaçi tha që shpresonte që në maj, të hapej i gjithë aksi rrugor.
“Java e parë ministër ju siguroj që do e gjejë këtë kantier të hapur!”, iu përgjigj bashkëbiseduesi.
Një Këshillë miqësore Ministrit Karakaçi.
Lutem, mos dil nëpër TV, siç dole sot, mbasi FLET VETË PUNA.
Edhe Erion Veliaj, edhe Belinda Balluku, dilnin nëpër tv nëpër kantiere, të shoqeruar nga rrotullhane, dhe kanë përfunduar në prokurori e burgje.
Ti vetë personalisht, nuk ke MBUROJË POLITIKE, kështu që, je i kollajshëm për tu gëlltitur.
Je thjesht aty, si “numëror topi”, sepse duhet të jetë NJË DIKUSH, për të firmosur si ministër, ATO që urdhërohet nga DIKUSHI lart në rè.