Një 26-vjeçar ka rënë në prangat e policisë së Tiranës për vjedhje.
I riu u kap nga uniformat blu duke vjedhur një biçikletë në rrugën “Buna”, në Laprakë.
Sipas hetimeve dyshohet se 26-vjeçari gjatë muajve mars-prill, ka vjedhur në 4 subjekte, ku ka marrë shuma parash dhe sende të ndryshme.
“Shërbimet e Komisariatit të Policisë Nr. 3, në bashkëpunim me shërbimet e Komisariatit të Policisë Nr. 2, në vijim të punës për goditjen e paligjshmërive në fushën e vjedhjes së pronës dhe pasurisë, kapën dhe vunë në pranga shtetasin A. B., 26 vjeç.
Ky shtetas u kap në flagrancë duke vjedhur një biçikletë në rrugën “Buna”, në Laprakë.
Nga veprimet hetimore dyshohet se ky shtetas, gjatë muajve mars–prill, ka vjedhur në 4 subjekte, ku ka marrë shuma parash dhe sende të ndryshme”, njoftoi sot policia.
Materialet procedurale iu referuan Prokurorisë, për veprime të mëtejshme.
