Teksa në pjesën më të madhe të Botës tashmë temperaturat kanë prekur nivelet e ulta, Australia po përjeton verën e nxehtë. Krishtlindja ka kaluar me probleme në këtë shtet të prekur nga zjarret masive. 100 shtëpi janë shkatërruar në shtetin Victoria të Australisë, për shkak të zjarreve.
Sipas zyrtarëve, 98 shtëpi janë goditur në Ëye River dhe 18 në Separation Creek. Sipas raportimeve të autoriteteve, nga zjarret nuk ka pasur të lënduar.
Qindra zjarrfikëse po luftojnë me flakët në zonën e famshme të Great Ocean Road në jugperëndim të Victorias, një prej destinacioneve kryesore të turistëve nga e gjithë Bota.
Freskimi i motit dhe shiu kanë reduktuar kërcënimin e zjarrit, por emergjencat thonë se ka ende rrezik në zonë. 1600 banorë dhe turistë nga zona turistike e Lorne janë evakuar nga frika se era mund të ndryshojë drejtimin e flakëve drejt qytetit. Disa prej personave që janë detyruar të evakuohen nga shtëpitë e tyre janë detyruar të kalojnë natën e Krishtlindjeve në çadra. Më shumë se 500 zjarrfikës, 60 automjete zjarrfikëse dhe 18 avionë janë të përfshirë në luftën kundër flakëve.
