“Baba në k’të skenë” është kjo kënga me e re në muzikën shqiptare. Kjo këngë risjell një klip ndryshe ku sipas Aurela Gaces, duke e njohur shpirtin e Dr Florit ka realizuar një klip ku fansat do të kenë mundësi që Dr Florin ta kenë pranë përsëri.
Për këtë këngë të risjellë ndryshe ka njoftuar vet Aurela Gace e cila ka shkruar “Miku im, bashkepunetori im i rralle, njeriu qe kuptonte cdo gje qe flisja, pse e beja… Ndoshta sepse besonim ne te njejtat gjera. Na mungon! Por do te jesh gjithmone me ne! Nje falenderim te madh per fansat e Dr.Florit që morën pjesë ne realizimin e klipit. Ju dua!?
Videoklipi shoqërohet edhe me pamje të Dr. Florit, i cili shfaqet në studio duke punuar për projektet muzikore.
Pjesë e klipit “Baba në këtë skenë” është dhe vajza e Dr. Florit si dhe vëllai i tij Alban Kondi i cili pak më parë hapi një studio muzikore muze, ku ekspozohet i gjithë rrugëtimi i Florit.
Në muret e kësaj studioje janë vendosur portrete të tij, por edhe foto familjare me familjen, ku dominojnë fotot me të bijën, Kaltrinën dhe me të birin Danjelin që e njohu vetëm 2 muaj, si edhe foto me miq dhe bashkëpunëtorë.
