Atentati ndaj Lulzim Kullës në Shkodër, ka bërë që Policia dhe Prokuroria e këtij qyteti të hapin dosjet e vjetra të 42-vjeçarit. Report TV mëson se hetuesit po shikojnë dosjen e vrasjes së një biznesmeni gazi në Shkodër. Ai është rrëmbyar, troturuar dhe është vrarë në Shkodër, nga persona ende të paidentifikuar.
Por në kohën kur ndodhi vrasje, i dyshuari kryesor ishte Lul Kulla, por për të nuk u gjetën prova ‘Vrasje’ ka ndodhur në kohën kur 42-vjeçari i njohur si “I forti” i Shkodrës, u vinte gjoba biznesvee. Kush nuk paguante gjobën mujore, atëherë kërcënohej ose dhunohej. Biznesmeni i gazit i torturuar dyshohet se nuk kishte rënë dakort për pagesën e gjobës.
Gjithashtu hetuesit po marrin në konsideratë edhe faktin se ndonjë biznesmen tjetër mund të jetë hakmarrë ndaj Lul Kullës. Një pistë tjetër e rëndësishme që po hetohet ka të bëjë edhe me trafikun e drogës. Në 2016 Lulzim Kulla u arresttua për një parcel kanabis në Dukagjin. Ai bëri vetëm 6 muaj burg dhe më pas u lirua.
Nuk përjashtohet mundësia që ndaj 42-vjeçarin të jetë bërë atentat për prishjen e pazareve të drogës. Pista më e fortë thonë burime të report TV nga Policia e Shkodrës, ka të bëjë me hakmarrjen për shkak të gjobave, por ende nuk janë gjetur prova të mjaftueshme.
Lul Kulla lëvizte gjithmonë i shoqëruar në lagjen “Rus” të Shkodrës. Ai shpesh mbrohej duke përdorur makinë të blinduar. Vendi ku iu bë atentat 42-vjeçari e kishte në pronësi dhe sapo iu afrua makinës, shpërthyen 400 gr tritol.
a.ç
