Policia e Tiranës ka zbardhur ngjarjen e ndodhur natën e kaluar në rrugën “Sabaudin Gabrani” ku mbetën të plagosur 2 shtetas.
Ajo ka arrestuar dy persona, ndërsa ka shpallur në kërkim edhe 4 të tjerë.
Ngjarja
Rreth orës 23:29, te mbremjes se djeshme në numrin e Emergjencave 112 u njoftua për 2 shtetas të plagosur me armë zjarri në rrugën “Sabaudin Gabrani”.
Në vendin e ngjarjes shkuan disa shërbime policore, të cilat kryen të gjitha veprimet hetimore për zbardhjen e ngjarjes. Policia sqaron se nga veprimet e kryera ka rezultuar se shtetasit F.F. 25 vjeç dhe E.F. 25 vjeç, duke udhëtuar me mjetin tip “Wolksvagen Golf”, janë konfliktuar për motive të dobëta me shtetasit M.Gj., 25 vjeç dhe Xh.V., 25 vjeç.
Konflikti ka percipituar deri në përdorimin e armëve të zjarrit ndërmjet tyre. Për pasojë kanë mbetur të plagosur dhe ndodhen në spital jashtë rrezikut për jetën shtetasit Xh.V., 25 vjeç dhe dhe J.G., 27 vjeç.
Policia sekuestroi në cilësinë e provës materiale 8 gëzhoja, 4 automjete të përdorura nga autorët dhe 2 telefona.
Shërbimet e policisë kanë arrestuar shtetasit:
– Jurgen Shakri 25 vjeç banues në Tiranë
– Xhenis Vrapi 27 vjeç, banues në Tiranë
për veprën penale ” Moskallëzim i krimit” , parashikuar nga neni 300 i Kodit Penal.
Vazhdon puna për gjetjen dhe vënien para përgjegjësisë ligjore të 4 personave të shpallur në kërkim. /b.d
